(روحي يتيمة )
أضحك بوجهك وانا روحي يتيمه
ما أبيك تشيل مع همك همومي
والاّ انا بلياك مأساتي عظيمه
ووحشتي تزداد يومٍ بعد يومي
ياحبيب العمر ماللعيش قيمه
دام جوك غطته سود الغيومي
المرض فيك لي أكبر هزيمه
في عيوني حطمة قوة عزومي
ليتني اسكن ولو في وسط خيمه
دامني حنبك وفي قربك احومي
تسهر عيوني وكل الناس نيمه
تايه الأفكار بس أقعد واقومي
مسحة الأحزان والذكرى الأليمه
خلفت لليأس في وجهي رسومي
مابقى عند الليالي ربع شيمة
دامها جارت على قلبٍ رحومي
(عيونك تقتل )
خفيف الـظل لاتـزعل على احلم
انا الغيرة تبدل نوري بظلمه
انا منك سهرت اللـيل يانايم
سهرت الليل حتى غابت النجمه
عن اللي في خفايا الروح لو تعلم
فلا والله تجرحني ولابكلمه
قبل مالقاك كنت بعالمٍ مظلم
وجودك في حياتي جدد البسمة
أحبك حب عما تعتقد اعظم
ومع الايام حبك زاد في حجمه
عيونك في خفايا حزنها عالم
وتلهمني حزين الشعر والحمكه
وتظحك للحياة بصبحها الحالم
على ريح المطر والعشب والنسمه
عيونك رغم عمق الحزن تتبسم
وسرحت بحزنها واخفتني الزحمه
تموتني عيونك كل ماتسلهم
وتحييني رموش العطف والرحمه
عيونك تقتل المظلوم والظالم
ياويل من له صوبت سهمه
عيونك مع عريض الصمت تتكلم
وانا حبيتها والحب لي قسمه
(الصدمة القاسية )
ضميري الحي يقتلني ويحييني
والنفس مقدر على ماصار أسامحها
تعبان لو كل خلق الله تواسيني
جروحي أكبر من اني اجلس اشرحها
هذي هموم تروح وهذي تجيني
ومشاعري صار أبسط شي يجرحها
مافيه أحد فاهمٍ وش الذي فيني
ماغير نفسي تصارحني واصارحها
الصدمه القاسيه اول تقويني
واليوم اشوف الشمس في غير مطرحها
أبسط سبب صار يحزني ويبكيني
واعز بشرى لعيني ماتفرحها
توي عرفت أنك اغلى من نظر عيني
وغيابك يغيّر الدنيا ومسرحها
ومافيه بالكون عنك شخص يغنيني
التجربه قاسيه والحب نجحها
تحياتي اسورهـ
<< فديتني رومنسية
منقول
الجمعة ديسمبر 21, 2007 1:27 pm
رووووووووعه
